ಇಂಗ್ಲೆಂಡ್‌ನಲ್ಲಿ 45 ವರ್ಷದ ಮಹಿಳೆ ತನ್ನ ಮನೆಯಲ್ಲಿ ಶವವಾಗಿ ಪತ್ತೆಯಾಗಿದ್ದು, ಆಘಾತಕಾರಿ ಸಂಗತಿ ಎಂದರೆ ಆಕೆಯ ಶವವನ್ನು ಸಾಕು ನಾಯಿಗಳು ಭಾಗಶಃ ತಿಂದಿರುವುದಾಗಿದೆ. ಮೃತಳನ್ನು ಹಾರ್ಟ್ ಎಂದು ಗುರುತಿಸಲಾಗಿದೆ. ಅವರು ಸುಮಾರು ಒಂದು ತಿಂಗಳಿನಿಂದ ಕಾಣಿಸದೆ ಹೋಗಿದ್ದ ಹಿನ್ನೆಲೆಯಲ್ಲಿ ನೆರೆಹೊರೆಯವರು ಅನುಮಾನಗೊಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದರು.
ನಾಯಿಗಳ ಅನುಮಾನಾಸ್ಪದ ವರ್ತನೆ ನೋಡಿ ನೆರೆಹೊರೆಯವರು ಜಾಗೃತರಾದರು
ಹಾರ್ಟ್ ಹತ್ತಿರದವರ ಪ್ರಕಾರ, ಆಕೆಯ ನಾಯಿಗಳು ನಿರಂತರವಾಗಿ ಮನೆಯೊಳಗೆ ಭೋಂದಿ ಕರೆಯುತ್ತಿದ್ದವು. ಇದರಿಂದ ಆತಂಕಗೊಂಡ ನೆರೆಹೊರೆಯ ಲೋರೈನ್ ಎಂಬ ಮಹಿಳೆ ಸ್ಪೇರ್ ಕೀ ಬಳಸಿ ಮನೆಯೊಳಗೆ ಪ್ರವೇಶಿಸಲು ಪ್ರಯತ್ನಿಸಿದ್ದಾಳೆ. ಆದರೆ ಇನ್ನೊಂದು ಬೀಗ ಹಾಕಲಾಗಿದ್ದ ಕಾರಣ ಆಕೆಗೆ ಒಳಗೆ ಹೋಗಲು ಸಾಧ್ಯವಾಗಲಿಲ್ಲ. ಅಂತಿಮವಾಗಿ, ಲೋರೈನ್ ಈ ವಿಷಯವನ್ನು ಪೊಲೀಸರಿಗೆ ತಿಳಿಸಿದ್ದಾರೆ.
ಪೊಲೀಸರು ಶವ ಪತ್ತೆ ಮಾಡಿದರು
ಪೊಲೀಸರು ಸ್ಥಳಕ್ಕೆ ಆಗಮಿಸಿ, ಹಾರ್ಟ್ ಅವರ ಶವವನ್ನು ಲಿವಿಂಗ್ ರೂಂನಲ್ಲಿ ಪತ್ತೆ ಮಾಡಿದರು. ಆದರೆ ಆಕೆಯ ಶವವನ್ನು ಸಾಕು ನಾಯಿಗಳು ಅರ್ಧ ತಿಂದಿರುವುದು ಕಂಡುಬಂದಿದೆ. ಅಲ್ಲದೇ, ಘಟನಾ ಸ್ಥಳದಲ್ಲಿ ಒಂದು ನಾಯಿ ಸತ್ತಿರುವುದನ್ನು ಕಂಡುಹಿಡಿದರೆ, ಮತ್ತೊಂದು ನಾಯಿ ದುಃಖಭಾರಿತ ಸ್ಥಿತಿಯಲ್ಲಿ ಇದ್ದು, ಅದು ಶಾಕ್‌ನಲ್ಲಿರುವುದಾಗಿ ವರದಿಯಾಗಿದೆ.
ಹಾರ್ಟ್ ಮಾನಸಿಕ ಒತ್ತಡದಲ್ಲಿದ್ದರು
ನೆರೆಹೊರೆಯವರ ಪ್ರಕಾರ, ಹಾರ್ಟ್ ಮಾನಸಿಕ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದರು. ಇತ್ತೀಚೆಗೆ, ಆಕೆಯ ದೀರ್ಘಕಾಲದ ಸಂಬಂಧ ಮುಕ್ತಾಯವಾಗಿದ್ದರಿಂದ ಆಕೆ ಆಘಾತಗೊಂಡಿದ್ದರು. ಹಾರ್ಟ್ ಒಬ್ಬ ನಾಯಿ ಪ್ರೇಮಿಯಾಗಿದ್ದು, ಸಾಕು ನಾಯಿಗಳನ್ನು ಸಾಕುವುದೇ ಆಕೆಯ ಜೀವನ ಎಂದೇ ಹೇಳುತ್ತಿದ್ದರು.
ಪೊಲೀಸರ ಪ್ರಾಥಮಿಕ ವರದಿ
ಪೊಲೀಸರ ಪ್ರಕಾರ, ಹಾರ್ಟ್ ಅವರ ಸಾವು ಸಹಜ ಕಾರಣಗಳಿಂದ ಸಂಭವಿಸಿದೆ ಎಂದು ದೃಢಪಡಿಸಲಾಗಿದೆ. ಅವರು ಹಲವು ದಿನಗಳಿಂದ ಶಾರೀರಿಕ ಮತ್ತು ಮಾನಸಿಕ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿದ್ದರು. ಈ ದುರ್ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ.
– – –
ರೊಮೇನಿಯಾದಲ್ಲಿಯೂ ಇದೇ ರೀತಿಯ ದಾರುಣ ಘಟನೆ
ಇಂಗ್ಲೆಂಡ್‌ನಲ್ಲಿ ನಡೆದ ಈ ಘಟನೆಗೆ ಸಮಾನವಾದ ಇನ್ನೊಂದು ಭಯಾನಕ ಘಟನೆ ರೊಮೇನಿಯಾದ ಬುಚಾರೆಸ್ಟ್‌ನಲ್ಲಿ ಸಂಭವಿಸಿದೆ. 34 ವರ್ಷದ ಆಡ್ರಿಯಾನ ನಿಯಾಗೊ ಎಂಬ ಮಹಿಳೆ ತನ್ನ ಫ್ಲ್ಯಾಟ್‌ನಲ್ಲಿ ಶವವಾಗಿ ಪತ್ತೆಯಾಗಿದ್ದು, ಆಕೆಯ ಎರಡು ಸಾಕು ನಾಯಿಗಳು ಶವವನ್ನು ಭಾಗಶಃ ತಿಂದು ಹಾಕಿರುವುದು ವರದಿಯಾಗಿದೆ.
ಆಡ್ರಿಯಾನ ಕೆಲವು ದಿನಗಳಿಂದ ಕುಟುಂಬ ಸದಸ್ಯರ ಕರೆಗಳಿಗೆ ಪ್ರತಿಕ್ರಿಯಿಸದೆ ಇದ್ದ ಕಾರಣ, ಆಕೆಯ ಸಂಬಂಧಿಕರು ಮನೆಯೊಳಗೆ ಪ್ರವೇಶಿಸಿ ಈ ಭೀಕರ ದೃಶ್ಯವನ್ನು ಕಂಡು ಬೆಚ್ಚಿಬಿದ್ದಿದ್ದಾರೆ.
ಈ ಇಬ್ಬರು ಮಹಿಳೆಯರ ಸಾವಿನ ಪ್ರಕರಣಗಳು, ಸಾಕು ಪ್ರಾಣಿಗಳ ವಿಲಕ್ಷಣ ವರ್ತನೆ ಕುರಿತು ಜನರಲ್ಲಿ ಚರ್ಚೆಗೆ ಕಾರಣವಾಗಿವೆ.
